Haqqımızda

Tribunat 1 aprel,  2023-cü ildə yaradılmış hüquqi platformadır. Missiyamız konstitusionalizm, insan hüquqları və hüququn aliliyi ilə bağlı maarifləndirmə aparmaqdır. Biz inanırıq ki, hər kəs ədalət mühakiməsinə bərabər çıxışa və insan hüquqlarının müdafiəsinə layiqdir. Platformamız vasitəsilə biz hüquqi diskurs üçün təhlükəsiz və əhatəli məkan təmin etməklə fərdləri və icmaları gücləndirməyi hədəfləyirik.

Vizyonumuz Azərbaycanda konstitusiya, insan haqları və qanunun aliliyini müdafiə edən və cəmiyyəti daha yaxşı gələcəyə istiqamətləndirmək üçün gözətçi rolunu oynayan aparıcı təşkilat olmaqdır.

Aydan Fuad Tribunat-ın təsisçisidir. Vətəndaş cəmiyyətində 6 ilə yaxın təcrübəsi ilə o, gənclərin bacarıqlarının artırılması və vətəndaşlar üçün hüquqi yardım proqramlarının idarə edilməsində iş təcrübəsinə malikdir.

O, 2015-ci ildə Bakı Dövlət Universitetində Politologiya üzrə bakalavrı bitirib. Bundan əlavə, 2020-ci ildə Mərkəzi Avropa Universitetində Müqayisəli Konstitusiya Hüququ ixtisası üzrə magistr dərəcəsi alıb.